سياسة الاسترجاع
آخر تحديث: ٢٣ أكتوبر ٢٠٢٦
الخلاصة
- وصلك حاجة بايظة أو غلط؟ صوّرها وابعتهالنا خلال ٤٨ ساعة — والبديل علينا، بالشحن.
- الطعم ماعجبكش؟ البن المفتوح مابيرجعش — بس في أول طلب ليك بنبعتلك عبوة بنكهة تانية مجانًا مع أوردرك الجاي.
- غيّرت رأيك والعبوة لسه مقفولة؟ تبدّلها أو ترجّعها خلال ١٤ يوم — مجانًا في مقرّنا، أو بشركة شحن بـ٣٠٠ جنيه رايح جاي.
١) المنتج وصل بايظ أو غلط
يعني: العبوة مكسورة أو مفعوصة، الغطا بايظ، العبوة مفتوحة أو الختم مقطوع، المنتج ناقص، التاريخ منتهي، أو نكهة/صنف غير اللي طلبته.
- ابعتلنا صورة واضحة للعبوة (ولو فيه كسر، صورة للكرتونة كمان) + رقم الطلب خلال ٤٨ ساعة من الاستلام.
- بنبعتلك البديل مع أقرب شحنة على حسابنا بالكامل — ومش لازم ترجّع العبوة البايظة، الصورة كفاية. ولو الصنف مش متاح بنرجّعلك فلوسه.
- فتح الشحنة قدام المندوب مش متاح. افتحها بعد الاستلام، ولو لقيت أي مشكلة صوّرها وكلّمنا.
لو فتحت العبوة ولقيت البن نفسه فيه مشكلة واضحة (ريحة غريبة، رطوبة، تحميص بايظ) — نفس الكلام: صورة + رقم الطلب خلال ٤٨ ساعة، والبديل علينا.
٢) الطعم ماعجبكش — «تجربة أول مرة» 🎁
البن منتج غذائي، والعبوة المفتوحة مابترجعش — ده شرط سلامة مش تشدّد. بس عشان أول تجربة ليك معانا تبقى مطمّنة:
- لو ده أول طلب ليك والنكهة ماعجبتكش، ابعتلنا صورة العبوة ورقم الطلب خلال ٧ أيام من الاستلام.
- بنحطلك عبوة ١٢٥ جم بنكهة تانية تختارها — مجانًا — مع أوردرك الجاي.
- العرض ده مرة واحدة لكل عميل (على رقم الموبايل)، ومش بيتحوّل فلوس ولا خصم.
مش متأكد من النكهة؟ جرّب الأظرف الأول قبل العبوة الكبيرة.
٣) غيّرت رأيك — والعبوة مقفولة زي ما هي
خلال ١٤ يوم من الاستلام، والعبوة مقفولة بختمها ومفيش فيها أي فتح:
- في مقرّنا (كورنيش النيل — حلوان): التبديل أو الاسترجاع مجانًا.
- بشركة شحن: مصاريف الشحن ٣٠٠ جنيه رايح جاي بتتدفع مقدّم، وبعدها المندوب بيستلم العبوة منك وبنبعتلك التبديل (أو بنرجّعلك فلوسها بعد ما توصلنا).
٤) رفض الاستلام
لو المندوب وصلك ورفضت تستلم من غير سبب (المنتج سليم ومطابق للطلب)، إحنا بندفع الشحن رايح جاي. عشان كده الطلب الجاي على نفس الرقم بيتدفع شحنه مقدّم. ولو اتكرر، من حقنا مانقبلش طلبات بالدفع عند الاستلام على الرقم ده.
حاجات مابترجعش
- العبوات المفتوحة — إلا لو فيها عيب (البند ١) أو «تجربة أول مرة» (البند ٢)
- البن اللي اتطحن على درجة خاصة بطلب منك
- العروض والباقات — بترجع كاملة مش قطعة منها
إزاي تطلب
- كلّمنا على واتساب 0111 402 1275 أو info@dpono.com
- ابعت رقم الطلب + الصور + السبب
- بنرد عليك خلال يوم عمل
استرداد الفلوس
- دفعت عند الاستلام؟ بنرجّعلك تحويل على محفظتك خلال ٣ أيام عمل من استلامنا للمنتج.
- دفعت تحويل/أونلاين؟ بيرجع على نفس الوسيلة.
بتأكيدك للطلب على الموقع، انت موافق على السياسة دي.